ଏଇ ତ ତୁମ ଉପହାର

ଦେଖତ ତୁମେ କେତେ ଅଭିମାନୀ
ଦେବାର କିଛି କ୍ଷମତା ନାହି ବୋଲି
ତୁମେ ଅଳି କର, ଅର୍ଦଳି କର,
ରାଗ, ରୋଷ ଓ ଅଭିମାନ ବି କର,
ପରିଶେଷେ ତୁମର କେଇ ପଦ ମୃଦୁ ସଂଭାଷଣ,
“ଯଦି ଭୁଲ କରି ଥିବି କ୍ଷମା କରିଦେବ” ........।

ମତେ ଭଲ ପାଇବା ଦିନ ଠୁ

ଜାଣେନା ତୁମେ କିଛି ପାଇଛ କି ନାଇ
ବରଂ ହରେଇଛ ନିଜସ୍ୱ ପଣ,
ହରେଇଛ ମନ ର ସ୍ଥିରତା, ନିଜର ସ୍ଵାଧୀନତା,
ପରିଶେଷେ ତୁମର କୁମାରୀ ଚପଳତା......।।

ଦେଖତ ସମ୍ପର୍କ ଆଜି ବି ଅଧାଗଢା,
ଆମ ଭଲ ପାଇବାର ଗଭୀରତା ଓ ଭାବପ୍ରବଣତା,
ଟପି ଯାଇ ପାରିନି ସେଇ ସୀମାରେଖା ଅନୁବନ୍ଧିତ କରେ,
ସମ୍ପର୍କ ର ପ୍ରଛଦେ ଭବିଷ୍ୟାଗତ,
ସାମାଜିକ ଷଡଯନ୍ତ୍ର ର ପ୍ରାକ ସୂଚନା,
ମଣିଷ ମଣିଷ କୁ ଚିହ୍ନେନା ,ରକ୍ତ ରକ୍ତ କୁ ଭୁଲିପାରେ,
ଏଠି ତ ସମ୍ପର୍କ ଭାଙ୍ଗେ ଆଉ ଯୋଡେ
ଜାତି, ଗୋତ୍ର ଓ ବର୍ଣ ର ଅନ୍ତରାଳେ....।।।

ତୁମକୁ ଏତକ ତ ଦେଇ ପରିବାର କ୍ଷମତା ଅଛି
ତୁମେ ମୁ ସଂରଚନା କରିଥିବା ଆମ ଅଭିନ୍ନ କାହାଣୀ ର
ପ୍ରତି ଟି ଅଧ୍ୟାୟର ପରିଭାଷା କୁ ତୁମେ ଲେଖି ଚାଲିଥିବ,
ଆଉ ମୁ ତୁଳୀ ଧରି ରଙ୍ଗବୋଳୀ ଜୀବନ୍ତ କରି ଚାଲିଥିବି,
ଏଇ ମୋର ପ୍ରତିଜ୍ଞା ଆଉ ଏଇ ତ ତୁମ ଉପହାର.....।

କୁମାର କୌଶିକ